★မြန်မာ့နွေဦး၊ Greed And Grievance ★

(မှူးဇော်)
● နိဒါန်း

“မြန်မာနိုင်ငံအနေဖြင့် နောက်ကျခြင်း၏အားသာချက်ကို အမိအရ ရယူသင့်သည်၊နောက်ကျခြင်း၏ အားသာချက် ဟူသည်မှာ အခြားသောနိုင်ငံများ၏ မှားယွင်းမှု၊ အောင်မြင်မှုများကို သင်ခန်းစာ ရယူ၍ အလားတူအမှားအယွင်းများ ရှောင်ရှားကာ အောင်မြင်မှု ရရှိအောင် ဆောင်ရွက်နိုင်ရေးပင် ဖြစ်သည်။”

ဤသည်မှာ ရန်ကုန်မြို့ လမ်းမတော် RUMFCCI အစည်းအဝေးခန်းမတွင် မြန်မာ့နွေဦး ဟူ၍ စတင် ထင်ရှားလာခဲ့စဉ် ၂၀၁၂ ခုနှစ်အတွင်းက နိုဗယ်လ်ဆုရ ကမ္ဘာကျော် ဘောဂဗေဒပညာရှင် ဂျိုးဇက် စတစ် ဂလစ်၏ ပြောကြားချက် ဖြစ်သည်။ စတစ်ဂလစ်သည် မြန်မာ့နွေဦး ဆန်းပွင့်စ မြန်မာ့စီးပွားရေးကို ဗဟို ပြု၍ သုံးသပ်ခဲ့ခြင်း ဖြစ်သော်လည်း အရပ်ရပ် နယ်ပယ်စုံ နိုင်ငံတည်ဆောက်ရေးကို ကြိုးပမ်းကြကုန်သော Player အားလုံးအတွက် ယူသော်ရသည့် ပြောကြားချက်လည်း ဖြစ်သည်။

●The Art of Engagement

ထိလွယ် ရှလွယ် မြန်မာ့နိုင်ငံရေး ဟု နိုင်ငံတကာကျွမ်းကျင်သူများက သုံးသပ်ကြသည်မှာလည်း အဆိုး မဆိုသာ။ မြန်မာ့လူ့အဖွဲ့အစည်းသည် အဘိဓမ္မာ ဟူသည့် အိုင်ဒီယိုလော်ဂျီကို အားသန်ကြသူ၊ ခံစားချက်ပြင်းထန်သူများ ဖြစ်ရာ ဆိုရှယ်ဒီမိုကရေစီမှာပင် သုံးမျိုးသုံးစားကွဲခဲ့သည့် အမျိုးအစား ဖြစ်သည်။ “လက်တွေ့ကျ၍ အလုပ်ဖြစ်သော” နည်းလမ်းဟူသည် အပြောလွယ်သလောက် အလုပ်ခက်ခဲ့သည်မှာ ယနေ့ခေတ်သာမက အစဉ်အဆက်ပင် ဤထပ်ကျော့သံသရာမှ ရုန်းထွက်နိုင်ခဲ့သည် မရှိပါ။ တော်လှန် သောစိတ်ဓါတ်နှင့် ရဲရဲနီမှ သတ္တိမည်သည့် ခံယူချက်များဖြင့် လွတ်လပ်ပြီးစ နိုင်ငံပြန်လည်ထူထောင်ရေးကို မာန်တင်းခဲ့ကြသည့် ဓလေ့ထုံးစံသည်ပင် မြန်မာ့နိုင်ငံရေး၏ ဇာတိဗီဇ လက္ခဏာတစ်ရပ် ဖြစ်ခဲ့ရသည်။ မြန်မာ့အရေးလေ့လာသူ ဒေးဗစ်စတိန်းဘတ်က မြန်မာလူမျိုးတို့သည် ဘောလုံးပွဲများ၌ သရေကျလျှင်ပင် ရှုံးသည် ဟု ယူဆတတ်ကြသည် ဟူ၍ စာတမ်းတစ်စောင်တွင် အကဲဖြတ်ခဲ့ဘူးသည်။

ယနေ့မြန်မာ့နိုင်ငံရေးတွင် နိုင်ငံရေးယဉ်ကျေးမှုအသစ် ဟု ဆိုအပ်သော စေ့စပ်ညှိနှိုင်းခြင်းသည် အဆင့်တစ်ဆင့်သို့ ဆက်လက် တက်လှမ်းလာနေသည်ကိုလည်း ၀မ်းမြောက်ဖွယ်ရာ တွေ့မြင်ရသည်။ မြန်မာ့နွေဦး စတင်ဖူးသစ်စအချိန်တွင် မတူတာခွဲလုပ်-တူတာတွဲလုပ်သည့် ဘုံတူညီချက်ရှာဖွေခြင်းအဆင့် ကို ရောက်ရှိခဲ့ပြီး ဖြစ်သည်။ လက်ရှိအချိန်တွင် ခွဲလုပ်နေသော မတူညီမှုများကို အပြန်အလှန်နားလည် ယုံကြည်မှုဖြင့် ညှိနှိုင်းဆွေးနွေးသည့်အဆင်သို့ ကူးပြောင်းနိုင်ရန် အားယူနေဆဲ ဟု ဆိုနိုင်သည်။ နိုင်ငံတော်သမ္မတကြီး သမ္မတအိမ်တော်ရောက်စအချိန်မှာပင် အစိုးရသစ်ကို လက်မခံနိုင်သေးသူများ၊ ၂၀၀၈ ခုနှစ် ဖွဲ့စည်းပုံအခြေခံဥပဒေကို လက်မခံနိုင်သေးသူများနှင့် လက်သီးဆုပ်ဖြေလျော့၍ လက်ဆွဲ နှုတ်ဆက်ရန် သံလွင်ခက် ကမ်းလှမ်းခဲ့ခြင်းကို ပြန်ပြောင်း သတိရစေလိုသည်။

ယင်းကာလကပင် “ဖွင့်သင့် တာ ဖွင့်၊ ပြင်သင့်တာပြင်” ဟူသော အဆိုပြုချက်ဖြင့် ဖွဲ့စည်းပုံအခြေခံဥပဒေပြင်ဆင်ရေးလမ်းကြောင်းကို မဖြစ်မနေသွားရမည် ဖြစ်ကြောင်း ပြောကြားခဲ့ပြီးလည်း ဖြစ်သည်။ နိုင်ငံရေးခေါင်းဆောင်များအနေဖြင့် ယနေ့ လက်ရှိ မြန်မာ့နွေဦးသည် အသွင်ကူးပြောင်းရေး ကာလအတွင်းမှာပင် တည်ရှိနေဆဲ ဖြစ်သည်ကို သတိပြု၍ တင်းပြည့်ကျပ်ပြည့် ခိုင်မာသည့်အဆင့်သို့ ရောက်ရှိရန် ခရီးရှည်ကြီး ဆက်လက်လျှောက်လှမ်း ရဦးမည်ကို မျက်မှောက်ပြုကြရန် အရေးကြီးသည်။

အမေရိကန်နိုင်ငံခြားရေးမူဝါဒ၏ က၀ိတစ်ဆူဟု ခေါ်တွင်အပ်သော ဟင်နရီကစ်ဆင်းဂျားက သမ္မတအိုဘားမား၏ နိုင်ငံခြားရေးမူဝါဒ ဖြန့်ခင်းမှုအပေါ် ဂရင်းမာစတာ စင်တုရင်သမားတစ်ဦး၏ အဖွင့် ကစားကွက် ဟူ၍ တင်စားခေါ်တွင်ခဲ့သော လက်သီးဆုပ်ဖြေ၍ လက်ဆွဲနှုတ်ဆက်ရေးလမ်းကြောင်း အသစ်ကို ဆက်စပ်ချိန်ထိုးနှိုင်းယှဉ်သော် တစ်စုံတစ်ရာ အဖြေရရှိနိုင်ပေလိမ့်မည်။ မိစ္ဆာ၀န်ရိုးတန်းနိုင်ငံများ ဟု ပြင်းပြင်းထန်ထန် ကမ္ဗည်းတင်ခြင်းခဲ့သော အမည်ဆိုးနိုင်ငံများအနက် မြန်မာနိုင်ငံသည် နေပြည်တော် နှင့်အိမ်ဖြူတော် ကောဇောနီခင်းနိုင်ခဲ့ပြီးနောက် ဒိုနီနိုသီအိုရီအရ ယခုအခါ အီရန်ခေါင်းဆောင်များနှင့် နျူကလီးယားစီမံကိန်းစွန့်လွှတ်ရေး စားပွဲဝိုင်းများသို့ ရောက်ရှိလာခဲ့ပြီ ဖြစ်သည်။ တရုတ်နိုင်ငံနှင့် စပ်လျဉ်း၍ Deal or No Deal ဟု လမ်း(၂)သွယ်ရွေးချယ်ရန် ဆုံးဖြတ်ချက်ချမှတ်မှုကို ရွေးချယ်စေခဲ့သော ကစ်ဆင်းဂျားသီအိုရီသည် စေ့စပ်ညှိနှိုင်းမှု၏ ပဏာမအဆင့် ဟု ဆိုကြသော်လည်း ယင်းပဏာမ အဆင့် သည်ပင် အရေးကြီးလှသော မူဝါဒ ချမှတ်မှုအစိတ်အပိုင်းကြီး ဖြစ်နေပေသည်။ တရုတ်နိုင်ငံကဲ့သို့ ကွန်မြူနစ်နိုင်ငံကြီးကို အပြုတ်ဖြုတ်နိုင်မည်လား၊ မဖြုတ်နိုင်လျှင် ဒိုင်ယာလော့ကို မဖြစ်မနေသွားရမည် ဟူသော ကစ်ဆင်းဂျားသီအိုရီသည် ပါဝါနိုင်ငံရေး၌ အရေးကြီးလှသော မဟာဗျူဟာမြောက်ရွေးချယ်မှုပင် ဖြစ်သည်။

● မြန်မာ့နိုင်ငံရေးထောင်ချောက်

ရှေ့မတိုး နောက်မဆုတ် ထွက်ပေါက်ပိတ်နေခြင်းကို လွန်ခဲ့သည့် ဆယ်စုနှစ်(၆)ခုမျှ တွေ့ကြုံခဲ့ကြ ပြီး ဖြစ်သည်။ ဤသည်ကို မြန်မာ့နိုင်ငံရေးထောင်ချောက် ဟု နိုင်ငံတကာပညာရှင်များက ဆိုခဲ့ကြသည်။ သို့သော် မြန်မာ့နွေဦး စတင်ပွင့်ဖူးခဲ့ပြီးနောက် ယင်းထောင်ချောက်ကို ဖောက်ထွက်နိုင်ပြီလော ဟု စိတ် ၀င်တစားစောင့်ကြည့်လာခဲ့ကြသည်။ နွေဦးချင်း မတူသော်ငြားလည်း ကူးပြောင်းမှုချင်း ဆင်ဆင်တူနေခြင်း ကြောင့် နိုင်ငံတော်သမ္မတကြီးသည် ဒုတိယမြောက် ဂေါ်ဗာချော့ ဖြစ်လာလေမလား ဟု ပညာရှင်တို့က သုံးသပ်ခဲ့ကြပြန်သည်။ အချို့လေ့လာသူများကဆိုလျှင် ဆိုဗီယက်ပြည်ထောင်စု ပွင့်လင်းရေးနှင့် ခေတ်မီ ရေးသို့ တက်လှမ်းရာတွင် အစိတ်စိတ်အမွှာမွှာ ပြိုကွဲခဲ့ရသလို လက်နက်ကိုင်ပဋိပက္ခများ ပြင်းထန်နေ သေးသည့် မြန်မာနိုင်ငံ၏ ပြုပြင်ပြောင်းလဲရေးတွင်လည်း အစိတ်စိတ်အမွှာမွှာပြိုကွဲတော့မည်လော ဟူ၍ မေးခွန်းထုတ်သည်အထိ ရှိခဲ့ပေသည်။ မြန်မာ့နွေဦး ဆိုဗီယက်လမ်းစဉ် မလိုက်နိုင်သည့်အကြောင်းအရင်း အချို့ကို နိုင်ငံတော်သမ္မတကြီးကိုယ်တိုင် ရှင်းလင်းခဲ့ပြီး ဖြစ်သည်။


●“ပထမအချက်အနေဖြင့် ဆိုဗီယက်ပြည်ထောင်စု၏ “ဂလပ်စ်နော့” နှင့် “ပယ်ရီစတွိုင်ကာ” သည် မြန်မာ့နွေဦး၏ ပြုပြင် ပြောင်းလဲရေးနှင့် မတူပါ။ ဆိုဗီယက်ပြုပြင်ပြောင်းလဲမှုတွင် ဂေါ်ဘာချော့နှင့် ပေါလစ်ဗျူရိုထိပ်တန်း ခေါင်းဆောင်အချို့၏ ဆန္ဒကို အခြေပြု၍ အပြောင်းအလဲကို ဖော်ဆောင်ခြင်း ဖြစ် သော်လည်း မြန်မာ့နွေဦးတွင်မူ ပြည်သူများ၏ဆန္ဒကို အခြေပြု၍ အပြောင်းအလဲကို ဖော်ဆောင်ခြင်း ဖြစ် သည်။ မြန်မာ့နွေဦးသည် ခေါင်းဆောင်အနည်းငယ်မှ အစပြုသော ပြုပြင်ပြောင်းလဲရေး ဖြစ်သဖြင့် ဆိုဗီယက်ကူးပြောင်းမှုနှင့် ဆင်တူသည် ဟု ထင်ရသော်လည်း Top-Down တွင် Bottom-Up တွဲကပ် လိုက်ခြင်း ဖြစ်၍ အနှစ်သာရတွင်မူ များစွာ ခြားနားနေသည်။”

● “ဒုတိယအချက်အနေဖြင့် ဆိုဗီယက်ခေတ် ပြုပြင်ပြောင်းလဲရေးတွင် Transitional Pact ဟု ဆိုအပ်သော Rule of the Game တိတိကျကျ မရှိခဲ့။ အသွင်ကူးပြောင်းရေးကာလအတွက် အများညီ လက်ခံနိုင်သော စည်းမျဉ်းသတ်မှတ်ချက် မရှိခဲ့သဖြင့် ပါတီထိပ်ပိုင်းခေါင်းဆောင်များအကြား ၀ိဝါဒကွဲပြားမှု အက်ကြောင်းကြီးများ ကြီးမားစွာ တည်ရှိခဲ့သည်။ မြန်မာ့နွေဦးတွင်မူ အသွင်ကူးပြောင်းရေးအတွက် မူဘောင် ဟု ဆိုအပ်သော ဖွဲ့စည်းပုံ အခြေခံဥပဒေကို အခြေပြုခဲ့ခြင်း ဖြစ်၍ Rule of the Game တိတိ ကျကျ ရှိသည်။ [ဂိမ်းစည်းမျဉ်းများ ပြင်ဆင်ရန် လိုအပ်ချက်မှာ တစ်ပိုင်းဖြစ်ပြီး အသွင်ကူးပြောင်းရေး အတွက် ကိုးကားစရာ မူဘောင်တစ်ရပ် ရှိခဲ့ခြင်းက ခြားနားချက် ဖြစ်စေခဲ့သည်။]”

● “တတိယအချက်အနေဖြင့် မြန်မာ့နိုင်ငံရေးခေါင်းဆောင်များ၊ တိုင်းရင်းသားခေါင်းဆောင်များ၏ Common Ground မှာ ပြည်သူသန်း(၆၀)ဖြစ်၍ မတူတာခွဲလုပ်-တူတာတွဲလုပ်ခြင်းအားဖြင့် အသွင် ကူးပြောင်းရေး ချောမွေ့အောင်မြင်မှုကို မျက်မှောက်ပြုခဲ့ကြသည်။ ထို့ကြောင့် မြန်မာနွေဦးသည် ဒုတိယ ဆိုဗီယက် မဖြစ်နိုင်သလို နိုင်ငံတော်သမ္မတကြီးသည်လည်း ဒုတိယဂေါ်ဘာချော့မဖြစ်နိုင်ပေ။”

ဆိုဗီယက်ပြည်ထောင်စု၏ ပွင့်လင်းရေးနှင့်ခေတ်မီရေးကို ဖြိုခွဲခဲ့ကြသည်မှာ နောက်ကြောင်းပြန်လို သော သဘောထားတင်းမာသူများ ဖြစ်သော်လည်း တင့်ကားပေါ်ခုန်တက်၍ မိန့်ခွန်းပြောကြားခဲ့သော ဘောရစ်ယဲ့ဆင်က ဒီမိုကရေစီသူရဲကောင်း ဖြစ်ခဲ့သည်ကို တွေ့ရှိနိုင်သည်။ မြန်မာ့နိုင်ငံရေး၏ အဓိက ရုန်းထွက်ရမည့် ထောင်ချောက်မှာ နောက်ကြောင်းပြန်လိုသော သဘောထားတင်းမာသူများ၊ နောက် ကြောင်းပြန်ခြင်း-မပြန်ခြင်းကို ဝေခွဲဆုံးဖြတ်နိုင်စွမ်းမရှိသော ပြုပြင်ပြောင်းလဲရေးအခုအခံများသာ ဖြစ်ပေ လိမ့်မည်။ ဤထောင်ချောက်သည် ထောင်ချောက်မှန်း မသိအောင်ပင် ပြုပြင်ပြောင်းလဲရေးနှင့် ဒီမိုကရေစီ အကာအရံများ ဖုံးလွှမ်းနေတတ်သည်ကိုလည်း သတိချပ်ရပေမည်။ မြန်မာ့နိုင်ငံရေးထောင်ချောက်တွင်း သက်ဆင်းကျရောက်ခြင်း မရှိစေရန် အစွန်းနှစ်ပါးကို သတိကြီးကြီးရှောင်ရှားရန် လိုအပ်သည် ဟု နိုင်ငံတော်သမ္မတကြီး ပြောကြားခဲ့သည်မှာ ဆန္ဒနှင့် အမြော်အမြင် ရွေးချယ်နိုင်စေမည့်၊ အစွန်းတရားနှစ်ပါး အကြားတွင် တည်ရှိနေသော မဇ္ဈိမပဋိပဒါလမ်းစဉ်ကို သတိပေးလိုခြင်းသာ ဖြစ်ပေသည်။

●Greed And Grievance

အိမ်နီးချင်းထိုင်းနိုင်ငံတွင် ဘုရင့်မွေးနေ့မတိုင်မီ နိုင်ငံရေးထိပ်တိုက်တွေ့ဆုံမှုများ အပြင်းအထန် ဖြစ်ပေါ်နေသည့် သတင်းများကို တွေ့ရသည့် လက်ရှိအချိန်တွင် တစ်ခုသော အာဆီယံဆန်းမစ်ကာလက နိုင်ငံတော်ဝန်ကြီးချုပ် (ယခု နိုင်ငံတော်သမ္မတကြီး)ဦးဆောင်သော ကိုယ်စားလှယ်အဖွဲ့၏ ခရီးစဉ်တစ်ခု အကြောင်း ပြန်ပြောင်းသတိရမိသည်။ ထိုစဉ်က ပတ္တရားကမ်းခြေတွင် ပြုလုပ်ခဲ့သော အာဆီယံ ထိပ်သီးအစည်းအဝေးမှာ အရှေ့အာရှိထိပ်သီးအစည်းအဝေး ဖြစ်သည့်အပြင် ကမ္ဘာ့စီးပွားရေးပျက်ကပ် အလွန် ကုလသမဂ္ဂအပါအ၀င် နိုင်ငံတကာဘဏ္ဍာရေးအဖွဲ့အစည်းများပါ တက်ရောက်ကြမည်ဖြစ်၍ ကမ္ဘာ တစ်ဝှမ်းလုံးက စိတ်ဝင်တစား စောင့်ကြည့်ရသည့် ထိပ်သီးအစည်းအဝေးလည်း ဖြစ်ခဲ့သည်။ သို့သော် အနီ နှင့်အ၀ါ နိုင်ငံရေးအားပြိုင်မှုဖြင့် ထိပ်သီးအစည်းအဝေးကျင်းပရာ ဟိုတယ်ဝင်းအတွင်းသို့ အနီဝတ်များ အလုံးအရင်းဖြင့် ၀င်ရောက်လာခဲ့ပြီးနောက် ထိပ်သီးအစည်းအဝေး ပျက်ခဲ့ရသည်။ ထိပ်သီးအစည်းအဝေး သို့ တက်ရောက်မည့် တရုတ်၊ ဂျပန် ၀န်ကြီးချုပ်များမှာ ဟိုတယ်ရှေ့၌ တက္ကစီများ ကန့်လန့်ခံ ပိတ်ရပ် ထားခြင်းကြောင့် ထိပ်သီးအစည်းအဝေးသို့ လာရောက်နိုင်ခြင်း မရှိခဲ့ပေ။ နိုင်ငံတော်သမ္မတကြီး(ထိုစဉ်က နိုင်ငံတော်ဝန်ကြီးချုပ်)နှင့် အခြားအာဆီယံခေါင်းဆောင်များမှာ အောက်ထပ်တစ်ခုလုံး အနီဝတ်များဖြင့် ပြည့်လျှံသွား၍ ဟိုတယ်အောက်သို့ပင် ပြန်မဆင်းနိုင်တော့ဘဲ ဟိုတယ်ခေါင်မိုးပေါ်တက်၊ ရဟတ်ယာဉ်များ ဖြင့် လေဆိပ်သို့ ချက်ချင်းပို့ဆောင်ပေးခဲ့ရသည်။ ဟိုတယ်အောက်ထပ်တွင် ကျန်ရစ်သော မိမိတို့ ကိုယ်စားလှယ်အဖွဲ့ဝင်များမှာ ထိုင်းဘုရင့်တပ်မတော်၏ လမ်းရှင်းပေးမှုဖြင့် မော်တော်ယာဉ်များဖြင့် ဟိုတယ်မှ ခက်ခက်ခဲခဲ ထွက်ခွာကာ လေဆိပ်သို့ လိုက်ပါခဲ့ကြရသည်။

ထိုစဉ်က ၀န်ကြီးချုပ်မှာ ဒီမိုကရက်တစ်ပါတီမှ အဘီဇစ်ဖြစ်ပြီး ဒုတိယ၀န်ကြီးချုပ်နှင့် ပြည်ထဲရေး ၀န်ကြီးမှာ လက်ရှိ အစိုးရရုံးများကို ၀င်ရောက်သိမ်းပိုက်ပြီး ဆန္ဒပြလျက်ရှိသော ဆူထက်ပင် ဖြစ်သည်။ ထိုစဉ်က အာဆီယံထိပ်သီးအစည်းအဝေး အောင်မြင်စွာ ကျင်းပရေးအတွက် လုံခြုံရေးဆိုင်ရာကိစ္စရပ်များ ကို အဓိကတာဝန်ယူခဲ့သော ဆူထက်မှာ လက်ရှိဆန္ဒပြခေါင်းဆောင်ဖြစ်ခြင်းမှာ တိုက်ဆိုင်မှုတော့ မဟုတ် နိုင်ပါ။ ထိုစဉ်က မိမိ အပါအ၀င် ကိုယ်စားလှယ်အဖွဲ့ဝင်အချို့မှာ (ကံကောင်းထောက်မစွာဖြင့်) စား သောက်ခန်းအတွင်း ပိတ်မိနေလေရာ နေ့လည်စာ မလွတ်ခဲ့ရသော်လည်း ၀န်ကြီးအချို့မှာ နေ့လည်စာ လွတ်ခဲ့ရသည်။ အနီဝတ်များ အုပ်စုလိုက် တက်လာပြီး တစ်ခန်းပြီးတစ်ခန်း ၀င်ရောက်ရှာဖွေသောအခါ တားမြစ်သူ လုံခြုံရေးတပ်ဖွဲ့ဝင် တစ်ဦးတစ်လေမှပင် မရှိခဲ့ပါ။ ပြည်ပအစိုးရကိုယ်စားလှယ်အဖွဲ့များ တွေ့ရှိ ရသဖြင့် တစ်စုံတစ်ရာ အန္တရာယ်ပေးခြင်း မရှိစေရန် အနီဝတ်များကို ဖျောင်းဖျတားဆီးခဲ့ကြသူများမှာ ဟိုတယ်မှ စားပွဲထိုးဝန်ထမ်းငယ်များသာ ဖြစ်ခဲ့သည်။

အနီဝတ်များ အပြည့် ၀င်ရောက်လျက်ရှိသော ဟိုတယ်အတွင်း ဟိုဘက်အဆောင်၊ ဒီဘက် အဆောင် တယ်လီဖုန်းဖြင့် ဆက်သွယ်၍ ဘူဖေးစားသောက်ဖွယ်ရာများ ပြင်ဆင်ထားသော စားသောက် ခန်းအတွင်း ပိတ်မိနေခဲ့သောအချိန်တွင် အင်ဒိုနီးရှားသံတမန်တစ်ဦးနှင့် စားပွဲဝိုင်းတစ်ဝိုင်းတည်း ထိုင်ဖြစ် ခဲ့သည်။ ၄င်းက ဤသည်မှာ ကမ္ဘာ့ခေါင်းဆောင်များ တက်ရောက်သော ထိပ်သီးအစည်း အဝေး ဖြစ် ကြောင်း၊ ဤသို့ လုံခြုံရေးကျိုးပေါက်သည်မှာ မဖြစ်သင့်ကြောင်း အခန်းတွင် ၀င်ရောက်လာသော အနီ ၀တ်များကို လက်ညိုးထိုး၍ ပြောကြားခဲ့သည်။ ဆန္ဒပြသည်မှာ ဒီမိုကရေစီသဘောအရ လက်ခံသော်လည်း ဤသို့ ပြည်ပနိုင်ငံခေါင်းဆောင်များကို အကာအကွယ် မပေးနိုင်သော အစိုးရမျိုးကို ပြင်းပြင်းထန်ထန် ပြောရမည် ဖြစ်ကြောင်း၊ ဟိုတယ်စားပွဲထိုးများက ဖျောင်းဖျတားမြစ်နေရသော ဖြစ်ရပ်မျိုးမှာ လုံးဝ မဖြစ် သင့်ကြောင်း၊ အင်ဒိုနီးရှားနိုင်ငံတွင် ဤကဲ့သို့သော ဖြစ်ရပ်မျိုး မည်သည့်အခါမျှ ဖြစ်မည် မဟုတ်ကြောင်း၊ မြန်မာနိုင်ငံတွင်လည်း အလားတူပင် ဖြစ်ကြောင်း၊ အခြေအနေများ တင်းမာ၍ ဆန္ဒပြသူ များသာ အကြမ်း ဖက်မှုများ ကျူးလွန်လာလျှင် မည်သို့မျှ တတ်နိုင်မည် မဟုတ်ကြောင်း ဆက်လက် ပြောကြားခဲ့သည်။

နောက်တစ်ကြိမ် ထိပ်သီးအစည်းအဝေးကို ထိုင်းဘုရင့်နယ်မြေဒေသ ဟု ဆိုကြပြီး တော်ဝင် မိသားစု၏ နွေရာသီစံနန်းတော်တည်ရှိရာ ဟွာဟင်းတွင် ကျင်းပခဲ့ရာ အောင်မြင်ချောမောစွာ ကျင်းပနိုင်ခဲ့ သည်။ နိုင်ငံရေးခေါင်းဆောင်များ၏ အကျိုးစီးပွားထိပ်တိုက်တိုးမှုများက စောင့်ထိန်းလိုက်နာအပ်သော ဖွဲ့စည်းပုံ အခြေခံဥပဒေကို မျက်ကွယ်ပြု၍ လူထုအားကို လိုသလို အသုံးချနေခြင်း ဟုလည်း အကဲခတ်များကို မှတ်ချက်ပြုကြသည်။ တစ်ချိန်က အနီဝတ်များသည် အဘီဇစ် အစိုးရ၏ မတရားမှု Grievance ကြောင့် ဟု ကြွေးကြော်ခဲ့ကြသော်လည်း လက်တွေ့တွင် ဖွေထိုင်းပါတီ အာဏာရရှိရေး Greed ပင် ဖြစ်ကြောင်း၊ ယခု ဖြစ်ပွားနေသောပဋိပက္ခများမှာ သက်ဆင်နှင့် ဆက်နွယ်၍ တရားမျှတမှု မရှိသော Grievance ကြောင့် ဟု ဆူထက်က ဆိုသော်လည်း လက်တွေ့တွင် လက်ရှိ အစိုးရပြုတ်ကျပြီး ဒီမိုကရက်တစ်ပါတီ အာဏာရရေး Greed ကြောင့်သာ ဖြစ်ကြောင်း တွေ့ရှိနိုင်သည်။ လက်ရှိဖြစ်ပွားနေသော ပဋိပက္ခများသည်လည်း ထိုင်း ဘုရင်မင်းမြတ်၏ မွေးနေ့သို့ ရောက်သောအခါ ပြန်လည်ငြိမ်သက်သွား ဦးမည်သာ ဖြစ်သည်။ နီတစ် လှည့် ၀ါတစ်လှည့် ထိုင်းနိုင်ငံရေးသည်လည်း ထိုင်းဘုရင်မင်းမြတ်၏ သြဇာ ဖြင့် ထိန်းညှိခြင်း ပြုနေရဦး မည်သာ ဖြစ်သည်။

● နိဂုံး

မြန်မာ့နွေဦးသည် ဒေသတွင်းနိုင်ငံများနှင့်ယှဉ်လျှင် နောက်ကျမှ ပွင့်ဖူးရခြင်း ဖြစ်သော်လည်း မြန်မာပြည်သူ သန်း(၆၀)အတွက်တော့ အခါလွန်သည် ဟူ၍ မရှိနိုင်ပေ။ နောက်ကျခြင်း၏ အားသာ ချက်များလည်း များစွာ ရှိနေပါသေးသည်။ အဆိုပါ နောက်ကျခြင်း၏အားသာချက်များကို ရယူကြရာ၌ နိုင်ငံရေးခေါင်းဆောင်များ၏ ဆန္ဒနှင့် အမြော်အမြင်အကြား လက်တွေ့ကျ၍ အလုပ်ဖြစ်သော လမ်း ကြောင်း ရွေးချယ်မှုက ပဓါနကျပေလိမ့်မည်။ မြန်မာ့နွေဦး ဆက်လက် ပွင့်ဖူးဝေဆာစေလိုသော နိုင်ငံ တကာ အသိုင်းအ၀ိုင်းက နိုင်ငံရေးပြုပြင်ပြောင်းလဲမှု၏နောက်တွင် စီးပွားရေး တိုးတက်မှုများ ကပ်လျက် လိုက်ပါလာရန် အရေးကြီးကြောင်း အရေးတကြီးထောက်ပြကြပြီး ပိတ်ဆို့ဒဏ် ခတ်မှုများ ရုပ်သိမ်းပေးရန်၊ ရင်းနှီးမြုပ်နှံမှုနှင့် ထောက်ပံ့ကူညီမှုများ ၀င်ရောက်ရန် လိုအပ်ချက်များကို ဆော်သြလျက် ရှိပေသည်။ နိုင်ငံရေးအပြောင်းအလဲများမှာ စိတ်ရင်းစေတနာနှင့်သာ အဓိကသက်ဆိုင်ပြီး အချိန်တိုတိုအတွင်း အကောင်အထည်ဖော်နိုင်သော်လည်း အချိန်မရွေး ပြိုကွဲလွယ်၍ အင်စတီးကျူးရှင်း အသစ်များဖြင့် ခိုင်မာအောင် ထိန်းရမည်၊ စီးပွားရေးအပြောင်းအလဲများမှာ အင်စတီကျူးရှင်းအဟောင်းများကို ပြင်ဆင် ပြောင်းလဲရခြင်းဖြစ်၍ အချိန်ယူရသော်လည်း ရေရှည်တွင် တဖြည်းဖြည်းချင်း ခိုင်မာလာမည် ဟု မြန်မာ့ အရေးကျွမ်းကျင်သူများက ဆိုကြသည်။

နိုင်ငံရေးပဋိပက္ခများတွင် မတရားမှု(အဓမ္မ) Grievance ကြောင့် ထိပ်တိုက်တွေ့ဆုံရသည် ဟု ဆိုကြသော်လည်း လက်တွေ့တွင် အကျိုးစီးပွား Greed ကြောင့် ဖြစ်နေရ ခြင်း ဖြစ်ကြောင်း တွေ့ရှိရသော Greed And Grievance သဘောကိုလည်း သတိပြုဆင်ခြင်နိုင် ရန် လိုအပ်ပေမည်။ အကျိုးစီးပွား Greed နှင့် ယှဉ်သော Grievance ဟု ထင်မြင်ယူဆရသည့် နိုင်ငံရေး တိုက်ပွဲ များ ကြောင့် သန်း(၆၀) နှစ်ပေါင်း(၆၀) ကျော် အဆိုးကျော့သံသရာတွင် လည်နေခဲ့ရခြင်းကို နိဂုံး ချုပ်ရန် အချိန်တန် နေပြီ ဖြစ်ကြောင်း မီးမောင်းထိုး တင်ပြလိုက်ရပေသည်။

▬▬▬▬▬▬▬▬▬▬▬▬▬▬▬▬▬▬▬▬
[The Voice Weekly, Vol.9/No.48]
▬▬▬▬▬▬▬▬▬▬▬▬▬▬▬▬▬▬▬▬

Hmuu Zaw