စံနှုန်းများသည် ပန်းတိုင်ဖြစ်၏

တလောက နိုင်ငံတကာအဖွဲ့အစည်းတစ်ခုရဲ့သုံးသပ်ချက်မှာ အစိုးရကို
နှစ်ပိုင်းခွဲပြီးဖော်ပြသွားပါတယ်။ အပြောင်းအလဲကို အရှိန်အဟုန်ဖြင့်
ဆောင်ရွက်နေသူများနဲ့ အပြောင်းအလဲရဲ့အရှိန်ကို လျှော့ချလိုသူများ
ရယ်လို့ဖြစ်ပါတယ်။ အပြောင်းအလဲကို လိုလိုလားလားနဲ့ စေတနာအပြည့်အဝနဲ့
တွန်းတွတ်းထိုးထိုး လုပ်နေကြသူများက Reformist များဖြစ်ပြီး
အပြောင်းအလဲလုပ်နေတဲ့ အရှိန်ကိုများလွန်းတယ်
ထင်လို့လျှော့ချလိုသူများက Radical များဖြစ်ပါတယ်။ ဘယ်သူတွေကတော့ ဘယ်အပိုင်းထဲကဖြစ်တယ်လို့ အားလုံးကို တိတိကျကျ ပြောဆိုဖို့ခက်ခဲလှပေမယ့် Radical တွေက ရှိနေသေးတာ အသေအချာဖြစ်ပြီး ဒီမိုကရက်တိုက်ဇေးရှင်းကို သူတို့က
မတတ်သာလို့ကြည့်နေကြရတာ ဒါမှမဟုတ်လက်ခံလိုက်ကြရတာဖြစ်ပြီး
အခါအခွင့်သင့်ရင် ရပ်ပစ်လိုက်ချင်ကြသူများ ဒါမှမဟုတ် နောက်ကြောင်းပြန်ချင်ကြသူများဖြစ်ပါတယ်။


အပြောင်းအလဲရဲ့အသီးအပွင့်တွေကို အောက်ခြေလူတန်းစားက
များများစားစားမရရှိသေးပေမယ့် အရင်အစိုးရလက်ထက်က အာဏာရှိခဲ့ကြသူများ
လက်ရှိလည်း အာဏာအဝန်းအဝိုင်းနဲ့တစ်နည်းမဟုတ်တစ်နည်းဆက်စပ်ပတ်သက်နေကြသူများကတော့
ကောင်းကောင်းကြီး ရရှိခံစားနေကြရပြီဖြစ်ပါတယ်။
အမိန့်အာဏာနဲ့အုပ်ချုပ်လို့မရနိုင်တော့တာ အရင်ရနေတဲ့အခွင့်ထူးတွေ
လက်လွှတ်လိုက်ရတာကလွဲရင် သူတို့တတွေရဲ့ ဘဝအာမခံချက်နဲ့ ဂုဏ်သိက္ခာနဲ့အညီ
ရပ်တည်ရှင်သန်ခွင့်ကို တပ်မတော်ကျောထောက်နောက်ခံရှိတဲ့ အစိုးရနဲ့
တပ်မတော် က ဦးဆောင်ရေးဆွဲခဲ့တဲ့ အခြေခံဥပဒေတို့က အာမခံချက်
ကောင်းကောင်းပေးထားခြင်းက
အရင်ခေတ်က အရာရှိကြီးများက အပြောင်းအလဲရဲ့အသီးအပွင့်တွေကို
ရရှိခံစားရတယ်ဆိုတာကို ဖော်ပြနေပါတယ်။

ဘယ်လိုပဲဖြစ်ဖြစ် ဒီမိုကရေစီလိုလားသူတို့ကလည်း ဒီမိုကရေစီရမယ်ဆိုတဲ့
မျှော်လင့်ချက်နဲ့ ကျန်တဲ့အာဏာရှင်ခေတ်က နစ်နာမှုများအားလုံးကို
မေ့မေ့ပျောက်ပျောက်သဘောထားခဲ့ကြတာပါ။ ဒီမိုကရေစီအခွင့်အရေးတွေရမယ်ဆိုရင်
တိုင်းပြည်ကို ပြန်လည်ဖွံ့ဖြိုးတိုးတက်အောင်လုပ်နိုင်မယ်
လူထုရဲ့ နိမ့်ပါးနေတဲ့ဘဝတွေကို
ပြန်လည်မြှင့်တင်နိုင်မယ်ဆိုတဲ့မျှော်လင့်ချက်များနဲ့ အရာရာကို
စိတ်ရှည်သည်းခံ ခွင့်လွှတ်ခဲ့ကြတယ်လို့ဆိုရမှာဖြစ်ပါတယ်။
ဒီမိုကရေစီအမှန်တစ်ကယ်ဖြစ်ထွန်းဖို့ဆိုရင် အစိုးရအဖွဲ့ထဲက
ပြုပြင်ပြောင်းလဲရေးသမားတွေ အင်အားပိုမိုတောင့်တင်းဖို့လိုအပ်ပါတယ်။
Radical တွေကလည်း
သဘောထားတွေပြောင်းလဲလာဖို့လိုအပ်ပါတယ်။ နောက်တစ်ခါ တပ်မတော်အနေနဲ့လည်း
ဒီမိုကရေစီတည်ဆောက်ရေးရည်မှန်းချက်ကို မယိမ်းမယိုင်ဆုပ်ကိုင်ထားဖို့
အခြေအနေ မလွဲမသွေရှိရမယ်ဖြစ်ပါတယ်။Radical များရှိနေခြင်းက
ဒီမိုကရေစီကိုစံနှုန်းပြည့်တည်ဆောက်ဖို့အချိန်ယူရတဲ့
အကြောင်းအချက်တွေထဲကတစ်ခုလည်းဖြစ်ပါတယ်။

ဒါပေမယ့် လောလောဆယ်မှာတော့ ဖွဲ့စည်းပုံအခြေခံဥပဒေပြင်ဆင်ရေးနဲ့ပတ်သက်လို့
တိုးတက်မှုရှိတယ်လို့မဆိုနိုင်ဘဲ အခြေအနေတွေက တဖြည်းဖြည်းနဲ့
ပိုမိုရှုတ်ထွေးလာနေတာကိုစိုးရိမ်ဖွယ်
မြင်တွေ့လာရပါတယ်။တပ်မတော်ရဲ့ရပ်တည်ချက်ဟာ
နိုင်ငံတော်တည်ငြိမ်ရေးအပေါ်မှာအဓိကထားပြီး အပြောင်းအလဲဖြစ်နိုင်
တာကြောင့် နိုင်ငံရေးအရ မတည်မငြိမ်တွေဖြစ်လာခဲ့ရင် ဒီမိုကရေစီခရီးလမ်း
ပိုမိုကြမ်းတမ်းခက်ခဲလာနိုင်တာကြောင့် အခုလောလောဆယ်ရှုပ်ထွေးလာနေတဲ့
အခြေအနေတွေကို
ဖြေရှင်းတဲ့နေရာမှာ Stakeholder အားလုံးက အမြော်အမြင်
၊ရိုးသားဖြောင့်မတ်မှု နဲ့ စေတနာတို့ကို အသုံးပြုပြီး
မှန်မှန်ကန်ကန်ချဉ်းကပ်ဖြေရှင်းကြမှသာ
မြန်မာတို့ရဲ့ကောင်းမွန်တဲ့အနာဂါတ်ကို မျှော်မှန်းနိုင်မယ်ဖြစ်ပါတယ်။

အခြေခံဥပဒေပါ ပုဒ်မ ၅၉ နဲ့ပတ်သက်လို့ အပြီးတိုင်ဖျက်သိမ်းရေး
သဘောထားရှိသူများနဲ့ လုံးဝမပြင်ဆင်ရေးသဘောထားရှိသူများက အပြိုင်အဆိုင်ဆန္ဒ
ထုတ်ဖော်မှုတွေ
ဆက်တိုက်ဖြစ်ပေါ်လာနေပါတယ်။ မိမိတို့ရဲ့ဆန္ဒသဘောထားများကိုထုတ်ဖော်ခြင်းက
ဒီမိုကရေစီရဲ့ အခြေခံကျတဲ့အခွင့်အရေးများဖြစ်တာကြောင့်
ဘယ်သူကမှလည်းတားမြစ်ပိတ်ပင်ခွင့်မရှိပါ။
သို့်သော်လည်း လူထုအနေနဲ့ဒီမိုကရေစီရလိုတာမှန်ရင်
ဒီမိုကရေစီစံနှုန်းများကိုတော့ တန်ဖိုးထားလေးစားသင့်တယ်လို့ယူဆပါတယ်။ သမ္မတ
အရည်အချင်းသတ်မှတ်ချက်ဆိုင်ရာပုဒ်မတစ်ခုဟာ
ဒီမိုကရေစီနဲ့အညီ အခြေခံဥပဒေမှာ ပါဝင်နေမှာသာဖြစ်ပြီး ဒီပုဒ်မကို
လုံးဝဖျက်သိမ်းဖို့ဆိုတာ မဖြစ်နိုင်သလို လက်ရှိပြဌာန်းထားတဲ့အတိုင်း
လုံးဝမပြင်ဆင်ဘူးဆိုတာလည်းမဖြစ်နိုင်ပါ။ ဒီကိစ္စနစ်ခုစလုံးက
ဒီမိုကရေစီနဲ့ကိုက်ညီခြင်းမရှိတာကြောင့် ဘယ်ဖက်ကမှ မိမိတို့ဆန္ဒကို
အကောင်အထည်ဖောက်ဖို့မဖြစ်နိုင်ဘူးဆိုတဲ့အကြောင်း
ဒီမိုကရေစီလိုလားသူတစ်ယောက်အနေနဲ့ လူထုရဲ့ အကျိုးစီးပွားကိုလိုလားသူ
တစ်ယောက်အနေနဲ့သတိပေးခွင့်ပြုစေလိုပါတယ်။

ကျန်ာတို့ရဲ့လက်ရှိအခြေအနေမှာ စံနှုန်းများနဲ့ကိုက်ညီတဲ့ဒီမိုကရေစီကို
ချက်ချင်းလက်ငင်းတည်ဆောက်လို့မရသေးပါဘူး။ ဒါကြောင့်လည်းစံနှုန်းအခြေပြု
နိုင်ငံရေးသမားများနဲ့ လက်ရှိနိုင်ငံရေးထဲမှာတပ်မတော်ပါဝင်နေခြင်း
ဆိုတဲ့အကြောင်းအချက်တို့အကြား ဝိရောဓိအသွင်ဖြစ်ပေါ်နေရခြင်းဖြစ်ပါတယ်။
ဒီမိုကရေစီ စံနှုန်းတွေဆိုတာက
ဒီမိုကရေစီတည်ဆောက်တဲ့လူ့ဘောင်အဖွဲ့အစည်းရဲ့ပန်းတိုင်ပဲဖြစ်ပါတယ်။စံနှုန်းများနဲ့ပြည့်ပြည့်ဝဝ
ကိုက်ညီတဲ့ နိုင်ငံရေးစနစ်ပေါ်ပေါက်တဲ့အထိ မဖြစ်မနေ
ဆောင်ရွက်ရမှာဖြစ်ပါတယ်။ သို့သော်လည်း ဒီမိုကရေစီဖြစ်ထွန်းဖို့
ရေခံမြေခံကောင်းကိုတည်ဆောက်ဖို့ အချိန်ယူကြရမှာလည်းဖြစ်ပါတယ်။
သို့သော်လည်း ဒီလိုအချိန်ယူရမယ်ဆိုတာက စံနှုန်းတွေကို မျက်ကွယ်ပြုဖို့
ဒီမိုကရေစီကို အချိန်ဆွဲဖို့ အကြောင်းပြချက်လည်းဖြစ်လို့မရပါဘူး။
ပြောင်းလဲဖို့သင့်တဲ့နှုန်းထားအတိုင်း မဖြစ်မနေပြောင်းလဲရပါမယ်။
ဖြစ်နိုင်ရင် ဒီမိုကရေစီ မြန်မြန်ရတဲ့အထိ လုပ်လို့ရသမျှ
အရှိန်မြှင့်ဆောင်ရွက်ကြရမှာဖြစ်ပါတယ်။ နိုင်ငံတော်နဲ့လူထုက
နစ်နာခဲ့ရတဲ့အချိန်က ရာစုနှစ်ဝက်ကာလဖြစ်ပါတယ်။
နိုင်ငံတကာနဲ့ယှဉ်လိုက်ရင်လည်း
အများကြီးပြတ်ကျန်ခဲ့ပြီဖြစ်ပါတယ်။
လောလောဆယ်ပိုမိုရှုပ်ထွေးလာနေတဲ့အခြေအနေများက အနာဂါတ်ကို
ပိုမိုဝေဝါးသွားစေနိုင်ပါတယ်။
ဒီမိုကရေစီနဲ့ပိုဝေးသွားစေနိုင်ပါတယ်။ဒီမိုကရေစီကိုလိုလားရင်
ဒီမိုကရေစီစံနှုန်းများနဲ့တဖြည်းဖြည်းကိုက်ညီလာအောင်
စနစ်တကျ ပြောင်းလဲယူရမှာပါ။ စံနှုန်းတွေကိုဆန့်ကျင်ဖက်ပြုပြီး
ဒီမိုကရေစီတည်ဆောက်လို့မရနိုင်ပါဘူး။ ပုဒ်မ ၅၉ ကို
ရှိမြဲအတိုင်းထားလိုသူများနဲ့ ဖျက်သိမ်းပေးစေလိုသူများဟာ
လုံးလုံးလျားလျားဆန့်ကျင်ဖက် အသွင်ဆောင်ပါတယ်။
ဒါဟာ နိုင်ငံတည်ဆောက်ရေးအတွက်မဖြစ်မနေ အရေးကြီးလှတဲ့ စည်းလုံးညီညွတ်မှုကို
ထိခိုက်နိုင်တဲ့ အနေအထားဖြစ်ပါတယ်။ တစ်ကယ်တမ်းဆုံးရှုံးနစ်နာကြရင်
အားလုံးအတူတူ ဖြစ်ပါတယ်။လူထုကဖြစ်စေ နိုင်ငံရေးအင်အားစုများကဖြစ်စေ
စည်းလုံးညီညွတ်မှု ပြိုကွဲခဲ့ရင် သန်းခြောက်ဆယ်သောမြန်မာအားလုံးရဲ့ ဘဝတွေ
အနာဂါတ်တွေထိခိုက်ပျက်စီးမှာဖြစ်ပါတယ်။ ဒီမိုကရေစီကိုသွားနေတဲ့လမ်းကနေ
ချော်ထွက်သွားရင်
တပ်မတော်လည်းနစ်နာပါလိမ့်မယ်။လူထုလည်းထိခိုက်ပါလိမ့်မယ်။
နိုင်ငံရေးအင်အားစုများလည်း ပျက်စီးပါလိမ့်မယ်။ နိုင်ငံတော်လည်း
အနာဂါတ်ကင်းမဲ့ပါလိမ့်မယ်။နိုင်ငံတော်အနာဂါတ်မရှိရင်
လူထုလည်းအနာဂါတ်မရှိနိုင်ပါ။
ပဋိပက္ခတွေပိုမိုနက်ရှိုင်းလာရင် ကြီးမားလာရင်
နိုင်ငံတော်လည်းမတည်မငြိမ်ဖြစ်လာနိုင်ပြီး လက်ရှိနိုင်ငံရေးအပြောင်းအလဲက
ရပ်တန့်သွားနိုင်ပါတယ်။ တပ်မတော်က မလွှဲမရှောင်သာ
နိုင်ငံတော်အာဏာကိုရယူထိန်းသိမ်းလိုက်ရပါတယ်ဆိုတဲ့
အခြေအနေ တစ်ကျော့တစ်ဖန် ပြန်လည်ရောက်ရှိလာနိုင်ပါတယ်။ လက်ရှိကာလမှာ
တပ်မတော်က ဒီလိုအခြေအနေမျိုးကို လိုလားတဲ့သဘောထားရှိပုံမရပါ။
နိုင်ငံတော်ဂုဏ်သိက္ခာရှိမှသာ တပ်မတော်လည်းဂုဏ်သိက္ခာရှိနိုင်မယ်ဆိုတာကို
အားလုံးက နားလည်လက်ခံလာပြီဖြစ်ပါတယ်။

ဒီတော့ လူထုအနေနဲ့ပါးနပ်ဖို့လိုပါတယ်။အမြော်အမြင်ရှိဖို့လိုပါတယ်။Radical
များအမြတ်ထွက်နိုင်တဲ့အခြေအနေကို ဖန်တီးပေးမိရက်သားမဖြစ်အောင်
သတိကြီးကြီးထားကြစေချင်ပါတယ်။တွေ့တယ်မို့လား ငါတို့ပြောသားပဲ
ဒီနိုင်ငံနဲ့ဒီလူထုက ဒီမိုကရေစီနဲ့မတန်ပါဘူးဆိုတဲ့
ရယ်သွမ်းသွေးစကားတွေနဲ့ လက်ခမောင်းခပ်ဖို့စောင့်နေတဲ့သူများကို လူထုက
အခွင့်အရေးအပေးမိဖို့လိုအပ်ပါတယ်။ဒီမိုကရေစီကို အမှန်တစ်ကယ်ယုံကြည်မှ
အမှန်တစ်ကယ်ချစ်မြတ်နိုးမှသာ
ဒီမိုကရေစီဖြစ်ထွန်းနိုင်မှာဖြစ်ပါတယ်။ လူထုက
အခုထက်အများကြီးအားထုတ်ကြိုးပမ်းကြဖို့လိုပါသေးတယ်။
စည်းလုံးညီညွတ်ကြဖို့လိုပါသေးတယ်။ဒီမိုကရေစီအသိတရားတွေ
ကိုရှာဖွေဆည်းပူးလေ့လာဖြည့်ဆည်းကြဖို့လိုပါသေးတယ်။
နိုင်ငံရေးသမားများအနေနဲ့ကလည်း
လူထုကိုအသုံးမချမိဖို့အရေးကြီးပါတယ်။မိမိတို့အာဏာတည်မြဲရေးအတွက်ဖြစ်စေ
အာဏာရရှိရေးအတွက်ဖြစ်စေ လူထုကိုအသုံးချတာမျိုးမလုပ်မိဖို့
သတိပြုကြစေချင်ပါတယ်။ဒီမိုကရေစီရရှိရေးကို ဦးတည်ပြီး လူထုကို ဦးဆောင်
ထိန်းကျောင်းဖို့ နိုင်ငံရေးသမားတိုင်းမှာတာဝန်ရှိပါတယ်။
ခုချက်ချင်းဒီမိုကရေစီမရသေးတာပြသနာမဟုတ်ပေမယ့် ဒီမိုကရေစီနဲ့တစ်စတစ်စ
ပိုဝေးအောင်လူထုကို
လမ်းမလွှဲမိကြစေဖို့ဖြစ်ပါတယ်။ဘာပဲလုပ်လုပ်ဒီမိုကရေစီထွန်းကားရေးကိုဦးတည်ပြီး
လုပ်ကြကိုင်ကြဖို့ဖြစ်ပါတယ်။ လူထုကဒီမိုကရေစီစံနှုန်းတွေကို
မသိရှိမှုကြောင့် ဆန့်ကျင်ဖက်ပြုမိကြရင်လည်း လူထု အပြစ်မဟုတ်ပါ။
နှစ်ငါးဆယ် တခါးပိတ်နှိပ်စက်ခဲ့ကြတဲ့ လွတ်လပ်ခွင့်တွေကို
အနုကြမ်းစီးခဲ့ကြတဲ့ လူထု အသိပညာတံခါးပေါက်တွေကို သော့ခတ်ပိတ်ပင်
အမှောင်ချထားခဲ့ကြတဲ့ အာဏာရှင်များမှာသာလျင်တာဝန်ရှိပါတယ်။
လူထုလမ်းလွဲနေရင်တည့်မတ်ပေးကြပါ။ ဒီမိုကရေစီရဲ့အဓိပ္ပါယ်ကို
လူထုသိအောင်ပညာပေးဖို့ လုပ်ကြပါ။ လူထုက ဒီမိုကရေစီကို
နားလည်သဘောပေါက်ကြမှသာ ဒီမိုကရေစီ အခိုင်အမာ
တည်ဆောက်ဖို့ဖြစ်နိုင်မယ်ဖြစ်ပါတယ်။
လူထုရဲ့ဦးနှောက်တွေကိုပိတ်ဆို့ထားပြီး လမ်းလွဲကိုပို့မိရင်
အားလုံးပျက်စီးရာပျက်စီးကြောင်း ဖြစ်ပါတယ်။လူထုရဲ့ နားတွေ မျက်စေ့တွေကို
ဖွင့်ပေးကြဖို့ အချိန်တန်ပြီဖြစ်ပါတယ်။

ဒီမိုကရေစီမှမရသေးခင် နောက်တစ်ခါ သမိုင်းတစ်ပတ်လည်ရရင် မြန်မာတွေ
မျှော်လင့်ချက်မရှိနိုင်တော့ပါ။
လက်ရှိအခြေအနေကိုဝိုင်းဝန်းထိန်းသိမ်းပြီးရှေ့ကို
ဖြည်းဖြည်းချင်းတိုးနိုင်အောင်မကြိုးစားဘဲ
ကိုယ်ကျိုးကြည့်ပြီး လူထုကိုအသုံးချမယ့်အစား လူထုကို လက်တွဲခေါ်ကြပါ။
လူထုကိုလမ်းပြကြပါ။ လူထုကို လွတ်လပ်ခွင့်ပေးလိုက်ကြပါ။
လူထုကိုတန်းတူညီမျှခွင့်ပေးလိုက်ကြပါ။
ကိုယ့်ကြမ္မာကိုယ်ဖန်တီးခွင့်ပေးလိုက်ကြပါ။
သူများနိုင်ံငံတွေ ကလူတွေနဲ့တန်းတူ
ကြီးပွားချမ်းသာခွင့်ပေးလိုက်ကြပါ။ဒီမိုကရေစီစံနှုန်းတွေကိုပန်းတိုင်အဖြစ်အခိုင်အမာချမှတ်ထားရှိပြီး
ငြိမ်းချမ်းပြီးသာယာဝပြောတဲ့ ဒီမိုကရေစီလူ့ဘောင်တစ်ခု
တည်ဆောက်ပြီးလူထုကို အမောအပမ်းတွေဖြေဖျောက်ခွင့်
၊နားခိုခွင့်ပေးလိုက်ကြပါလို့ တောင်းပန်လိုက်ရပါကြောင်း။   ။

( ပိုက်တင် )