ဒါဟာ ၂၀၁၅ ရွေးကောက်ပွဲမှာ ဘယ်သူက ကြံ့ခိုင်ရေးပါတီကို ဦးဆောင်ပြီး ရွေးကောက်ပွဲ အလွန် အုပ်ချုပ်ရေးအဖွဲ့ ဖွဲ့ရင်လည်း ဘယ်သူက ပါတီရဲ့ သမ္မတရာထူး ကိုယ်စားလှယ် တင်သွင်းခံရမလဲ ဆိုတာနဲ့ တိုက်ရိုက်ပတ်သက်နေပါတယ်။
၂၀၁၅ ရွေးကောက်ပွဲမှာ သမ္မတ ဦးသိန်းစိန် ဝင်အရွေးခံမှာ မဟုတ်ဘူးလို့ မနှစ်က လွှတ်တော်ဥက္ကဋ္ဌ သူရဦးရွှေမန်းက ထုတ်ဖော်ပြောဆိုခဲ့အပြီး သူရဦးရွှေမန်း ဦးစီးတဲ့ လွှတ်တော်နဲ့ ဦးသိန်းစိန်ရဲ့ အစိုးရအဖွဲ့ကြားမှာ "နိုင်ငံရေး ပွတ်တိုက်မှု" တွေ အထင်အရှားပဲ ပေါ်ထွက်လာခဲ့တယ်။ အငြိမ်းစား ဗိုလ်ချုပ်မှူးကြီး သန်းရွှေရဲ့ စစ်အစိုးရ လက်ထက် ပိုစီနီယာကျခဲ့တဲ့ ဗိုလ်ချုပ်ကြီးဟောင်း သူရဦးရွှေမန်းဟာ ပြုပြင် ပြောင်းလဲရေးမှာ ဦးသိန်းစိန်နည်းတူ အရေးပါအရာရောက်ကြောင်း ပြသချင်တဲ့ ပုဂ္ဂလိက စိတ်ဆန္ဒကြောင့် လွှတ်တော်ရဲ့ အခန်းကဏ္ဍကို မြှင့်တင်ရာက အစိုးရနဲ့ အားပြိုင်မှုတွေ ဖြစ်လာခဲ့ရတယ်လို့ သုံးသပ်မှုတွေ ရှိပါတယ်။
လွှတ်တော်ကို သမ္မတဆီက ပေးပို့လာတဲ့ သဝဏ်လွှာတွေ၊ သမ္မတရဲ့ သဘောထား မှတ်ချက်ပါတဲ့ ဥပဒေကြမ်းတွေကို ဆွေးနွေးတဲ့အခါမှာလည်း လွှတ်တော်တွင်းမှာရှိတဲ့ သမ္မတ ဦးသိန်းစိန် ထောက်ခံတဲ့ အင်အားစုတွေက မဲမပေးဘဲ ရှောင်နေတာမျိုးတွေ ရှိလာခဲ့ပါတယ်။ ဇန်နဝါရီ ၁၇ ရက်နေ့က ပြုလုပ်ခဲ့တဲ့ ပြည်ထောင်စုလွှတ်တော် ပုံမှန် အစည်းအဝေး တတိယနေ့မှာ နိုင်ငံတော်သမ္မတရဲ့ သဘောထား မှတ်ချက်နဲ့ ပြန်လည် ပေးပို့လာတဲ့ ပြည်ထောင်စုလွှတ်တော်ဆိုင်ရာ ဥပဒေကို ပြင်ဆင်တဲ့ ဥပဒေကြမ်းကို ပြန်လည် အတည်ပြုတဲ့အခါ မဲမပေးဘဲနေတဲ့ လွှတ်တော်ကိုယ်စားလှယ်တွေ ရှိနေတဲ့ အတွက် သူရဦးရွှေမန်း စိတ်ဆိုးသွားခဲ့ပါတယ်။
"ပြည်သူ့ကိုယ်စားလှယ်တွေ ဖြစ်လာပြီဆိုရင် မဲပေးတတ်ရမှာပေါ့။ ကိုယ့်ရဲ့ ဆုံးဖြတ်ချက်တွေကို ရဲရဲဝံ့ဝံ့ မချနိုင်ရင် ပြည်သူ့ကိုယ်စားလှယ် မမည်ထိုက်ဘူးဆိုတဲ့ ဝေဖန် ပြောဆိုတာတွေကို ကြားသိနေရတယ်။ ဒါကြောင့် လွှတ်တော်ကိုယ်စားလှယ်တွေ ကိုယ်စား ရှက်မိပါတယ်" လို့ သူရဦးရွှေမန်းက မဲမပေးခဲ့တဲ့ ကိုယ်စားလှယ်တွေကို ဘုတောပါတယ်။
ဒီဥပဒေကြမ်းက လွှတ်တော်ကိုယ်စားလှယ်တွေကို လုပ်ပိုင်ခွင့် ပိုပေးထားပြီးတော့ အုပ်ချုပ်ရေးပိုင်း ကိစ္စတွေမှာပါ ဝင်ရောက်လွှမ်းမိုးမှုတွေ ရှိလို့ သမ္မတက ပြန်လည် ပြင်ဆင်ပေးဖို့ ပြောတာကို လွှတ်တော်က လက်မခံဘဲ အတည်ပြုဖို့ လုပ်တဲ့အခါ လွှတ်တော်ထဲ ရောက်နေတဲ့ သမ္မတ ထောက်ခံတဲ့ အင်အားစုက ကိုယ်စားလှယ်တချို့က မဲမပေးဘဲ နေခဲ့တာပါ။ အဲဒီ ဥပဒေကြမ်းကို မဲခွဲဆုံးဖြတ်တဲ့အခါမှာ မဲပေးခွင့်ရှိတဲ့သူ ၅၂၇ ဦးမှာ ထောက်ခံမဲ ၃၂၇ မဲ၊ ကန့်ကွက်မဲ ၁၇၁ မဲနှင့် ကြားနေမဲ ရှစ်မဲရှိပြီး ဆန္ဒမဲ မပေးသူ ၂၁ ဦးအထိ ရှိခဲ့ပါတယ်။ ဒါဟာ အာဏာရပါတီ ကိုယ်စားလှယ်တွေကြား မဲကွဲသွားတာ ဖြစ်ပြီး ထိုနေ့က ဆွေးနွေးမှုမှာ တပ်မတော်သား ကိုယ်စားလှယ်အားလုံးက သမ္မတ ဦးသိန်းစိန်ကို ထောက်ခံပါတယ်။
လွှတ်တော်မှာ သမ္မတ ဦးသိန်းစိန်နဲ့ လွှတ်တော်ဥက္ကဋ္ဌတို့ ထိပ်တိုက်တွေ့ဆုံတဲ့အခါတွေမှာ တပ်မတော်သား လွှတ်တော်ကိုယ်စားလှယ်တွေက သမ္မတ ဦးသိန်းစိန် ဘက်က နေပြီးတော့ အမြဲထောက်ခံလေ့ရှိပြီး "လွှတ်တော်ကိုယ်စားလှယ် တာဝန်ကနေ ပြန်လည် ရုပ်သိမ်းရေး ဥပဒေကြမ်း" ကိုလည်း အင်တိုက်အားတိုက် ထောက်ခံဆွေးနွေးခဲ့ကြပါတယ်။ မဲဆန္ဒရှင် တစ်ရာခိုင်နှုန်းက တင်ပြရင် ရွေးကောက်ခံ လွှတ်တော်အမတ်ကို ပြန်ဖြုတ်ချ နိုင်မယ့် ဥပဒေကြမ်းကို ရွေးကောက်ပွဲ ကော်မရှင်က တင်သွင်းချိန်မှာ သူရဦးရွှေမန်း ထောက်ခံတဲ့ အရပ်သားလွှတ်တော် ကိုယ်စားလှယ်တွေက အပြင်းအထန် ကန့်ကွက်ပါတယ်။ တပ်ကိုယ်စားလှယ်တွေက ရွေးကောက်ခံစရာ မလိုတဲ့သူတွေ ဆိုပြီးတောင် ဝေဖန်ဆွေးနွေးမှုများ ရှိခဲ့ပါတယ်။
နောက်တခါ ပြည်ထောင်စုလွှတ်တော်က အတည်ပြုပြဋ္ဌာန်းလိုက်တဲ့ ဥပဒေ ၈ ခုကို သမ္မတရုံးက ဖွဲ့စည်းပုံအခြေခံဥပဒေနဲ့ မညီဘူးဆိုပြီး ဖွဲ့စည်းပုံ အခြေခံဥပဒေဆိုင်ရာ ခုံရုံးကို တင်ဖို့လုပ်ပါတယ်။ မကြာသေးမီကလည်း သမ္မတ ရွေးချယ်ထားတဲ့ အဖွဲ့ဝင်တွေ ရောက်မလာလို့ လာဘ်ပေးလာဘ်ယူမှု ပပျောက်ရေး ကော်မရှင် အဖွဲ့ဝင်တွေ လွှတ်တော်မှာ ကတိသစ္စာပြုဖို့ အစီအစဉ် ပျက်ပြယ်သွားပါတယ်။
သမ္မတ ရွေးချယ်ထားတဲ့ အဖွဲ့ဝင်တွေဟာ လွှတ်တော်တက်ဖို့ နေပြည်တော်ကို ရောက်နေပေမယ့် ဘာညွှန်ကြားချက်မှ မရှိလို့ သွားမတက်ခဲ့ရတာဖြစ်ပြီး ဒီကိစ္စတွေ အားလုံးကို လွှတ်တော်ရုံးက စီစဉ်တာလို့ သမ္မတရုံး ညွှန်ကြားရေးမှူး ဦးဇော်ဌေးက ပြောပါတယ်။
သမ္မတ ဦးသိန်းစိန်နဲ့ယှဉ်ပြီး လက်စွမ်းပြလာတဲ့ သူရဦးရွှေမန်းကို မကြိုက်တဲ့သူတွေဟာ အစိုးရ၊ တပ်ကိုယ်စားလှယ်တွေသာမက အာဏာရပါတီတွင်းကပါ ပါတယ်လို့ သိရပါတယ်။ လွှတ်တော်ထဲမှာ ပါတီစွဲ၊ ဝါဒစွဲ၊ လူမျိုးစွဲ မရှိဘဲ ဆောင်ရွက်နေတာကို လုံးဝ လက်မခံဘဲ မကြိုက်တဲ့ အင်အားစုတစ်စု လွှတ်တော်ထဲတွင်ရှိနေပြီး အဲဒီအင်အားစုဟာ အာဏာရ ကြံ့ခိုင်ရေးပါတီက ဖြစ်တယ်လို့ ရှမ်းပြည်နယ် သီပေါမြို့နယ်က ပြည်သူ့လွှတ်တော် ကိုယ်စားလှယ် ဦးရဲထွန်းက ဧရာဝတီကို ပြောပါတယ်။ သူ့အပြောအရ နိုင်ငံရေး အကျဉ်းသားတွေကို လွတ်ငြိမ်းချမ်းသာခွင့်ပေးဖို့ အဆိုကို အာဏာရ ကြံ့ခိုင်ရေး ပါတီကနေ တင်ပြီးတော့ သမ္မတက အဲဒီအမိန့်ကို ထုတ်ပေးဖို့ ပြင်ဆင်ထားချိန်မှာ ကြံ့ခိုင်ရေးပါတီက မဟုတ်တဲ့ ဦးသိန်းညွှန့် တင်လိုက်တဲ့ လွတ်ငြိမ်းချမ်းသာခွင့် အဆိုကို သူရဦးရွှေမန်းက လွှတ်တော်မှာ ဆွေးနွေးဖို့ ဦးစားပေးလိုက်တဲ့အပေါ် သမ္မတရဲ့ လူတွေက သူရဦးရွှေမန်းကို တော်တော်လေး မကျေမနပ် ဖြစ်ခဲ့ကြပါတယ်လို့ သိရပါတယ်။
"ဒီလွတ်ငြိမ်းချမ်းသာခွင့်က ဦးသိန်းညွှန့် တင်လိုက်လို့ အောင်တဲ့သဘော ဖြစ်သွားတယ်။ အမှန်တော့ သူတို့က စီစဉ်ပြီးသား။ အဲဒီကိစ္စနဲ့ ပတ်သက်လို့ သူရဦးရွှေမန်းကို သူတို့ ပါတီဝင်တွေနဲ့ သမ္မတရဲ့ လူတွေက မကျေနပ်ကြဘူး" လို့ ဦးရဲထွန်းက ပြောပါတယ်။ သမ္မတ ဦးသိန်းစိန်က အစပိုင်းတွင် ၂၀၁၅ ခုနှစ် ရွေးကောက်ပွဲအပြီး နိုင်ငံရေး ဆက်မလုပ်ချင်ဘူးလို့ ထုတ်ဖော်ပြောဆိုခဲ့ပေမယ့် နောက်ပိုင်းမှာ လေသံပြောင်း လာတာဟာ သမ္မတဦးသိန်းစိန်ရဲ့အနီးက လူတစုရဲ့ အကြံပေးမှုကြောင့် ဖြစ်နိုင်တယ် လို့လည်း ဆိ်ုပါသေးတယ်။
“ဦးသိန်းစိန် ဘေးနာမှာရှိတဲ့ လူတချို့မှာ ဦးရွှေမန်းကို အမြင်မကြည်တဲ့သူတွေ ဖြစ်ပုံရတယ်။ အဲဒီလူတွေက ဘာဖြစ်လို့ ဖယ်ပေးရမှာလဲ။ လူထုက ထောက်ခံရင် ခင်ဗျားပဲ ပြန်လုပ်ပေါ့ ဆိုတာမျိုး ပြောနိုင်တယ်” လို့ ဦးရဲထွန်းက ပြောပါတယ်။
ဒီလို ၂၀၁၅ ရွေးကောက်ပွဲမှာ ပါတီကို ဘယ်သူက ဦးဆောင်ပြီး သမ္မတရာထူးအတွက် ယှဉ်ပြိုင်မယ်ဆိုတာကို နှစ်ဖက်စလုံးက အလျှော့ပေးမယ့်ပုံ မပေါ်တဲ့အခါ ကြံခိုင်ရေးပါတီမှာ လက်ရှိသမ္မတ ဦးသိန်းစိန်ကို ထောက်ခံတဲ့အုပ်စုနဲ့ လွှတ်တော်ဥက္ကဋ္ဌ သူရဦးရွှေမန်းကို ထောက်ခံတဲ့အုပ်စုဆိုပြီး နှစ်မျိုးပေါ်ပေါက်လာနိုင်ပြီးတေ
ကြံ့ခိုင်ရေးပါတီ ဗဟိုကော်မတီလည်းဖြစ် အမျိုးသားလွှတ်တော် အမတ်လည်းဖြစ်တဲ့ ဦးလှဆွေကတော့ လက်ရှိနိုင်ငံရေး အနေအထားအရ သမ္မတဦးသိန်းစိန် ပါတီတစ်ခု ထပ်ထူထောင်ရင်လည်း တိုင်းပြည်မပြိုကွဲဘူးလို့ မနှစ်က ဧရာဝတီနဲ့ အမေး အဖြေ လုပ်ရာမှာ ပြောဆိုခဲ့ပါတယ်။ “အခု တိုင်းပြည်မှာက အမျိုးသား အကျိုးစီးပွားကိုပဲ လုပ်မယ်ဆိုတဲ့ အမျိုးသားရေးပါတီ ပေါ်လာရင် ထောက်ခံမယ့် အမျိုးသားရေး စိတ်ဓာတ်ကဲတဲ့ အုပ်စုတွေရှိနေတယ်။ အဲဒါကို ဦးသိန်းစိန်က တွက်ချက်ပြီး ကြားအဖွဲ့ တစ်ဖွဲ့ ထောင်လိုက်ရင် လက်ရှိအတိုင်း ဘာမှမပြောင်းဘဲ NLD ရော၊ ကြံ့ခိုင်ရေးရော ငြိမ်သွားလိမ့်မယ်” လို့ မှတ်ချက်ပေးတဲ့အပြင် ဒေသစွဲ၊ လူမျိုးစွဲကြီးတဲ့ မြန်မာတွေ ထောက်ခံကြမယ်လို့ သုံးသပ်ယူဆပါတယ်။
သမ္မတဦးသိန်းစိန်နှင့် သူရဦးရွှေမန်းတို့ကြားမှာ နိုင်ငံရေးအားပြိုင်မှုတွေ ရှိနေတယ်လို့ အသံတွေ ထွက်နေပေမယ့် အာဏာရ ကြံ့ခိုင်ရေးပါတီကတော့ သမ္မတလောင်းနဲ့ ပတ်သတ်ပြီး တရားဝင် ထုတ်ပြန်ချက် မရှိသေးပါဘူး။ အပတ်စဉ်ထုတ် Messenger ဂျာနယ်နှင့် အင်တာဗျူးတစ်ခုမှာ ကြံ့ခိုင်ရေးပါတီမှာ သြဇာညောင်းနေဆဲလို့ ယူဆရတဲ့ ဗဟိုအတိုင်ပင်ခံဖြစ်သူ ဦးအောင်သောင်းက လက်ရှိပါတီဥက္ကဋ္ဌ သူရဦးရွှေမန်းကို ပါတီက ဝင်ရောက်အရွေးခံမယ် သမ္မတလောင်းအဖြစ် လျာထားတယ်လို့ ထုတ်ဖော်ပြောဆို လိုက်ပေမယ့် နောက်ပိုင်းမှာ သမ္မတဦးသိန်းစိန်နဲ့ ပြန်တွဲထွက်လာတာမို့ ကြံ့ခိုင်ရေး ပါတီအတွင်း အားပြိုင်မှုတွေ မငြိမ်သေးဘူးလို့ ယူဆနေကြပါတယ်။
တဖက်မှာ ၂၀၁၂ မေလအတွင်း အလုပ်ပိလို့ ကျန်းမာရေးချို့ယွင်းကာ စင်ကာပူမှာ ဆေးကုသမှုခံခဲ့ရပြီး နှလုံးခုန်စက်တွေ တပ်ဆင်ထားရတဲ့ သမ္မတဦးသိန်းစိန် နောက် သက်တမ်း ဆက်ထမ်းဆောင်ဖို့ ဖြစ်နိုင်ပါ့မလားဆိုတဲ့ မေးခွန်းလည်း ရှိနေပါတယ်။ နီးစပ်သူတွေက လိုအပ်တဲ့ ကျန်းမာရေးစောင့်ရှောက်မှုတွေ အပြည့်အဝရှိပြီး လက်ရှိ ကျန်းမာရေးကလည်း ကောင်းနေတယ်လို့ ဆိုပါတယ်။ သမ္မတရဲ့ ပြောရေးဆိုခွင့်ရှိသူ ဒုတိယပြန်ကြားရေးဝန်ကြီး ဦးရဲထွဋ်က “သမ္မတကြီးဟာ တိုင်းပြည်တာဝန်များကို ကျေပွန်အောင် ထမ်းဆောင်နိုင်တဲ့ ကျန်းမာရေး အခြေအနေ ရှိပါတယ်”လို့ ဧရာဝတီကို ပြောခဲ့ပါတယ်။
The Irrawaddy ဂျာနယ်မှ ကူးယူဖော်ပြသည်။
မြန်မာ့နိုင်ငံရေးဆောင်းပါးများ
No comments:
Post a Comment